Усе грані сталіцы беларускай - у расійскай. Дні Мінска завяршаюцца на маскоўскай ВДНГ - самай вялікай і каларытнай выставе Расіі. На працягу месяца масквічам распавядалі і паказвалі патэнцыял нашых вытворцаў, знаёмілі з культурай, турызмам, дэманстравалі магчымасці нашай медыцыны і іншыя паслугі. Выстава надала імпульс развіццю гандлёва-эканамічных адносін. Мінск цесна працуе са шматлікімі расійскімі рэгіёнамі. Наш павільён на ВДНГ наведалі прадстаўнікі прадпрыемстваў, кіраўнікі расійскіх гарадоў, з якімі наладжана цеснае супрацоўніцтва, а таксама шматлікія турысты.
На працягу гэтага года на маскоўскай ВДНГ пабывалі ўсе беларускія рэгіёны. Такая рознабаковая прэзентацыя Беларусі ўмацавала саюзныя сувязі. Найбуйнейшы партнёр расійскіх рэгіёнаў - наша сталіца. За мінулы год узаемны тавараабарот перавысіў 16 млрд долараў. Бакі ўпэўненыя: гэта не мяжа!
