У перыяд зімовага адпачынку школьнікаў Дзяржаўтаінспекцыя Мінскай вобласці праводзіць прафілактычную акцыю "Бяспечныя канікулы". Пад асаблівым кантролем захаванне хуткаснага рэжыму вадзіцелямі, а таксама правіл перавозкі дзяцей. У Маладзечне падчас чарговага рэйду ў аўтааматараў праверылі наяўнасць дзіцячых аўтакрэслаў. Асноўны акцэнт на выбар утрымліваючых прылад у адпаведнасці з узростам, ростам дзіцяці і патрабаваннямі бяспекі. Вадзіцелям уручылі тэматычныя памяткі, а юным пасажырам - святлоадбівальныя элементы.
Паводле інфармацыі ДАІ Мінскай вобласці, толькі за мінулы год у цэнтральным рэгіёне зарэгістравана 89 ДТЗ з удзелам дзяцей, у якіх 7 непаўналетніх загінулі, 93 атрымалі траўмы. 24 здарэнні з удзелам дзяцей-пешаходаў. ДАІ таксама нагадвае аб адміністрацыйнай адказнасці ў выпадку невыканання правіл перавозкі дзяцей. За парушэнне прадугледжаны штраф.
