Тэрытарыяльныя і ўчастковыя камісіі ўжо сфарміравалі спісы выбаршчыкаў. Ім зараз накіроўваюць запрашальныя паведамленні (з указаннем часу і месца для галасавання). У Капыльскім раёне, напрыклад, свой выбар зробяць больш за 20 тысяч чалавек. Для зручнасці грамадзян створаны 32 участкі, у тым ліку адзін закрыты (27 лютага ён будзе працаваць на базе бальніцы). У склад камісій увайшлі амаль 300 чалавек. Больш за палову з іх - прадстаўнікі палітычных партый і грамадскіх аб'яднанняў.
Адказаць усяго на адно пытанне, якое вызначыць будучыню нашай краіны, беларусы змогуць не толькі ў дзень рэферэндуму. Датэрміновае галасаванне пачнецца роўна праз тыдзень - у аўторак, 22 лютага.
