У Маладзечанскай ЦРБ завяршаецца капітальная рэканструкцыя

Новая аўтастаянка і пешаходныя дарожкі, дадатковае вулічнае асвятленне і месцы адпачынку. У Маладзечанскай цэнтральнай раённай бальніцы завяршаецца капітальная рэканструкцыя і добраўпарадкаванне сумежнай тэрыторыі. Тэрміны і якасць выканання рамонтных работ на кантролі кіраўніцтва Мінскай вобласці. Ацаніць камфортную інфраструктуру пацыенты і самі медыкі змогуць ужо з канца снежня.

Адначасова з добраўпарадкаваннем працягваецца і рамонт радзільнага дома. Завяршаецца і рэканструкцыя паліклінікі (яна абслугоўвае 70 тысяч чалавек). Там умацавалі сцены і абнавілі дах. Увесці ў эксплуатацыю будынак плануюць да Новага года.