Аляксандр Лукашэнка прыняў з дакладам кіраўніка Адміністрацыі Прэзідэнта і пасла Беларусі ў Расіі.
У размове з Дзмітрыем Крутым і Аляксандрам Рагожнікам кіраўнік дзяржавы адзначыў важнасць прасоўвання работы на расійскім трэку. Рынак у суседзяў вялікі, і імкнуцца туды многія, нават нягледзячы на санкцыі. Мэта Беларусі - заняць сваю нішу і паступова яе пашыраць.
"Я вельмі спадзяюся, што мы будзем мець прасоўванне першым чынам па кааперацыйных пытаннях. Яны ляжаць у сферы прамысловасці. Тут павінны быць пэўныя вынікі", - паставіў задачу Прэзідэнт.
У той жа час кіраўнік дзяржавы адзначыў, што сітуацыя на расійскім рынку няпростая: канкурэнцыя тут застаецца вельмі высокай. "Ад гэтага нікуды не дзецца. Гэта было і будзе заўсёды. Але нам нельга страчваць на расійскім рынку свае пазіцыі. І гэта пытанне нумар адзін для вас", - падкрэсліў Аляксандр Лукашэнка.
Для гэтага, паводле яго слоў, неабходна ствараць і развіваць у Расіі свае мультыбрэндавыя і сэрвісныя цэнтры, гандлёвыя дамы. Асаблівую ўвагу ён звярнуў на развіццё кааперацыйных сувязяў і асваенне расійскай крэдытнай лініі для рэалізацыі сумесных праектаў у прамысловасці.
Нагадаем, 27 чэрвеня Аляксандр Лукашэнка правёў кадравыя перастановы: Дзмітрый Крутой, які ўзначальваў дыпмісію ў Расіі, прызначаны кіраўніком Адміністрацыі Прэзідэнта. А міністр прамысловасці Аляксандр Рагожнік адправіўся паслом у Расію.
Тэхналагічная незалежнасць Саюзнай дзяржавы
Беларусь прапрацуе з Расіяй вылучэнне дадатковых сродкаў на імпартазамяшчальныя праекты. Аб гэтым паведаміў журналістам новы пасол Беларусі. Раней расійскі бок вылучыў на гэтыя мэты крэдытную лінію 105 млрд расійскіх рублёў.
Беларусь хочуць уцягнуць у разборкі, каб давесці эскалацыю ў рэгіёне да такой ступені, што "свет здрыганецца". Гэта Прэзідэнт Беларусі заявіў ужо падчас сустрэчы са спікерам расійскай Дзярждумы Вячаславам Валодзіным. Таксама Аляксандр Лукашэнка адзначыў, што ёсць шэраг пытанняў паміж Мінскам і Масквой, якія неабходна абмеркаваць.
Беларусь і Расія разам супрацьстаяць сучасным выклікам
Толькі плячо ў плячо Беларусь і Расія змогуць пераадолець выклікі, якія стаяць перад імі. Аб гэтым заявіў журналістам старшыня Дзярждумы Федэральнага сходу Расіі Вячаслаў Валодзін.
Абмеркавалі бакі маючы адбыцца саміт ШАС у Астане, а таксама святкаванне Дня Незалежнасці Беларусі. Адзначым, Вячаслаў Валодзін прыехаў на чале расійскай дэлегацыі ў Мінск па даручэнні Прэзідэнта Расіі. Палітык прыме ўдзел ва ўрачыстых мерапрыемствах з нагоды 80-годдзя вызвалення Беларусі ад нямецка-фашысцкіх захопнікаў.
