Самы брудны футбол у свеце. Не, гэта не аб жорсткіх парушэннях правілаў гульцамі. Проста беларусы наладзілі чэмпіянат на тарфяным балоце ў Пухавіцкім раёне.
Гэты традыцыйны турнір прайшоў ужо чацвёрты раз. За тытул чэмпіёна ў экстрэмальных умовах пазмагаліся 25 каманд. А гэта парадку 250 чалавек. Характэрна, што па рэгламенце ў кожнай дружыне павінна была выступаць як мінімум адна дзяўчына. Калектывы прадстаўлялі арганізацыі газавай, тарфяной і энергетычнай галін, а таксама прадпрыемствы цэментавай прамысловасці. Усе хацелі не ўпасці ў бруд тварам. Праўда, тэхнічна гэта было даволі цяжка, таму як бруд быў усюды. Чэмпіянат прайшоў на ўчастку тарфянога радовішча. Там арганізатары падрыхтавалі 4 палі. І для таго каб гледачам было весела, а футбалістам вельмі цяжка, пляцоўкі багата палівалі вадой 3 дні да старту і сёння пасля кожнага тайма.
Каб буцы не засталіся ў торфе, экстрэмалы абмотвалі абутак скотчам. Такія спаборніцтвы патрабуюць шмат сіл і цягавітасці. А яшчэ ўпартасць трэба будзе выявіць падчас мыцця футбольнай формы.
