Заўтра магнітных бур на тэрыторыі нашай краіны не прагназуецца. Геамагнітны фон слабаўзбураны.
У народным календары заўтра Антон Вiхравей. Калі ў Антонаў дзень быў моцны вецер - зіму чакалі снежную і марозную. Таксама казалі: "Які Вiхравей, такі і кастрычнік". Акрамя вятроў, асцерагаліся і дажджу: калі пачнецца ў гэты дзень, то працягнецца яшчэ доўга.
Інфармацыя з гісторыі метэаназіранняў на 16 жніўня: самая халодная ноч была на станцыі Палеская ў 1984 годзе - 0,2 градуса марозу. А самы цёплы дзень у 2008 - у Лельчыцах тэрмометры паказалі плюс 37,5 градуса.