Сем беларусаў трапілі ў шпіталь пасля аварыі з аўтобусам у Польшчы. Пра гэта паведамляе БЕЛТА са спасылкай на прэс-службу МЗС Беларусі.
"У выніку аварыі ў Польшчы ў раёне горада Седльцэ 7 з 14 беларусаў, якія знаходзіліся ў аўтобусе, дастаўлены ў шпіталь з лёгкімі траўмамі, яшчэ 7 чалавек чакаюць іншага аўтобуса для прадаўжэння руху па маршруце", - расказалі ў міністэрстве.
Пасольства Беларусі ў Польшчы ўдакладняе акалічнасці здарэння, дыпламаты гатовы аказаць неабходную консульска-прававую дапамогу.