Беларускія вытворцы заявілі аб паспяховай рабоце на міжнароднай выставе Gulfood 2024 у Дубаі. Як адзначае Белінтэрэкспа, у рамках форуму айчынныя прадпрыемствы павялічылі пул партнёраў з заходнееўрапейскіх краін, блізкага і далёкага замежжа.
Экспазіцыя "Зроблена ў Беларусі" заняла цэнтральнае месца ў галоўным павільёне выставы. Адбылося звыш 4 тысяч дзелавых сустрэч і перамоў з замежнымі партнёрамі. Усяго ж выставу наведалі звыш 130 тысяч чалавек са 195 краін свету.
Таксама з удзелам беларускіх кампаній у красавіцкім календары значацца адразу 2 экспазіцыі і на Афрыканскім кантыненце. Алжыр збярэ найбуйнейшых вытворцаў харчовай прамысловасці, а ў Зімбабвэ беларускія кампаніі рыхтуюцца прэзентаваць акрамя прадуктаў тавары лёгкай прамысловасці, тэхніку, медпрэпараты, будматэрыялы і шэраг іншых пазіцый.
