Забяспечыць харчовую бяспеку. Працаваць дзень і ноч, каб завяршыць пасяўную да 9 мая. Такую задачу перад аграрыямі паставіў Прэзідэнт.
Улічваючы спрыяльныя ўмовы надвор'я, яравая эстафета ідзе ў тэрмін. Зараз у Беларусі апрацавалі больш за мільён гектараў. Асноўныя працы - з кукурузай. Узмоцнена займаюцца культурай і ў Нясвіжскім раёне. На эксперыментальнай базе "Бураковая", напрыклад, за дзень апрацоўваюць да 80 гектараў зямлі. У дапамогу механізатарам - абноўленая тэхніка.
Таксама мясцовыя аграрыі працуюць на "бульбяных плантацыях": пад караняплодамі ўжо каля 2,5 тысяч гектараў. Завяршаецца і сяўба цукровых буракоў: застаецца парадку 10 працэнтаў плошчаў, а яшчэ аднагадовая трава, лён, гародніна. Рыхтуюцца хлебаробы і да нарыхтоўкі кармоў.
