Абласны тур праекта "100 ідэй для Беларусі" прымае сёння Мар'іна Горка. Маладыя распрацоўшчыкі прапанавалі больш за 30 стартапаў. Сярод іх - праграма навучання рабоце з нейрасеткамі, метэастанцыя для дакладнага земляробства і робагульня на веды гісторыі Беларусі. Адны ўдзельнікі прапанавалі гатаваць муку з ігліцы, другія - манетызаваць травяныя зборы і дачную гародніну. Праекты падрыхтавалі як школьнікі, так і маладыя навукоўцы.
Экспертная камісія адбярэ лепшыя распрацоўкі, якія прадставяць Мінскую вобласць на рэспубліканскім этапе. Пераможцы конкурсу "100 ідэй для Беларусі" змогуць прэтэндаваць на заахвочванне са спецыяльнага фонду Прэзідэнта па падтрымцы адораных навучэнцаў і студэнтаў.
