Памяць, якая злучае пакаленні. Па ўсёй краіне працягваюцца мерапрыемствы да 80-годдзя вызвалення Беларусі. Дыялогавыя пляцоўкі, сустрэчы з ветэранамі, тэматычныя экспазіцыі, велазабегі, а таксама цырымоніі ўскладання кветак.
Сімвалічны аўтацягнік памяці аб'яднаў актыўную моладзь сталіцы: студэнты, маладыя спецыялісты праехалі па маршруце несмяротнага подзвігу часоў Вялікай Айчыннай. Патрыёты пабывалі на Кургане Славы. Да падножжа мемарыяла ўсклалі кветкі і ўшанавалі хвілінай маўчання памяць загінуўшых.
Патрыятычны аўтацягнік толькі пачаў свой шлях. У навігатары - новыя маршруты па месцах воінскай славы і мемарыялах Мінскай вобласці. Удзельнікі пабываюць у Хатыні і Дальве, а таксама ўскладуць кветкі ля помнікаў героям і ахвярам ваеннага ліхалецця ў Маладзечанскім і Клецкам раёнах.
