На Востраве слёз у Мінску ўсклалі кветкі да помніка загінуўшым у Афганістане беларусам

Ушанаваць памяць загінуўшых і сустрэцца з жывымі. Напярэдадні на Востраве слёз у Мінску ўсклалі кветкі да помніка загінуўшым у Афганістане беларусам.

24 гады назад тут была адкрыта капліца. І для шматлікіх людзей, вайскоўцаў, сваякоў загінуўшых, стала традыцыяй збірацца на Востраве слёз 3 жніўня. Сам помнік - сімвал подзвігу і мужнасці беларусаў, якія прымалі ўдзел у афганскай кампаніі. А гэта больш як 32 тысячы беларускіх салдат. 771 з іх так і не вярнуўся на родную зямлю.