Менавіта чалавек працы - галоўны гонар і каштоўнасць беларускага нафтагорада. Будаўнікі, нафтахімікі, працаўнікі ЖКГ, настаўнікі, спартсмены і студэнты - кожны з іх штодня робіць любімы горад ярчэйшым і прыгажэйшым. Удзел ва ўрачыстасцях прыняла старшыня Савета Рэспублікі Нацыянальнага сходу Рэспублікі Беларусь Наталля Качанава. З 2007 па 2014 год яна ўзначальвала Наваполацк.
Свята прадоўжыцца да позняга вечара. Наперадзе турнір па сілавым экстрыме, байкер-шоу, а таксама канцэрт з удзелам зорак беларускай і расійскай эстрады. Напрыканцы феерверк і лазернае шоу.