Вялікая, або Перадвелікодная, субота сёння ў праваслаўных вернікаў! Так званы дзень цішыні прысвечаны ўспаміну біблейскіх падзей аб знаходжанні Ісуса Хрыста ў труне і Яго спасланні ў пекла.
Кожны год у Вялікую суботу ўсе праваслаўныя хрысціяне чакаюць цуду сыходжання Жыватворнага агню ў Іерусаліме. Ён сімвалізуе нерукатворнае святло Уваскрэсення Хрыстова. І цуд адбыўся. Таемства адбылося ў храме Труны Гасподняй. Паводле традыцыі ў кувукліі (так называецца магільня ў скале, дзе быў пахаваны Хрыстос) Жыватворны агонь прымае іерусалімскі патрыярх. Затым ад святога полымя запальваюць свечкі і вернікі. Запаленыя ад Жыватворнага агню лампады развозяць у розныя куткі свету, у тым ліку ў Беларусь. Чакаецца, што лампада прыбудзе ў Свята-Духаў кафедральны сабор Мінска ў 9 раніцы да пачатку Боскай літургіі.
Сёння ж вернікі аб'ядналіся ў малітве, чакаючы Уваскрэсення Збавіцеля. Гэтай ноччу ва ўсіх храмах пройдуць святочныя богаслужэнні.
Як Свята-Духаў кафедральны сабор Мінска рыхтуецца да сустрэчы Светлага Вялікадня - падрабязнасці ў Вольгі Мядзведзь (відэа).
