Атмасфера свята і танцы! Рэспубліканскі навагодні баль для моладзі праходзіць у Палацы Незалежнасці. Па традыцыі ўдзел прыняў і Прэзідэнт. Аляксандр Лукашэнка цёпла павітаў усіх удзельнікаў мерапрыемства.
Рэспубліканскі навагодні баль сабраў пад адным дахам больш за 300 юнакоў і дзяўчат з усёй краіны. Адораныя студэнты, пераможцы навуковых конкурсаў, навучэнцы Мінскага сувораўскага ваеннага вучылішча, творчыя, спартыўныя, словам - лепшая моладзь нашай краіны закружылася ў танцы.
Пабываць на такой урачыстасці - сапраўдная мара для шматлікіх юнакоў і дзяўчат. Гэты вечар ім напэўна запомніцца на ўсё жыццё!
Святочны вечар у Палацы Незалежнасці складаецца з дзвюх частак - класічнай і адвольнай. А ў якасці распарадчыка балю выступіў народны артыст Беларусі Уладзімір Громаў.
