Адзначаць Вялікдзень праваслаўны свет будзе найбліжэйшыя 40 дзён. У вернікаў Светлая Сядміца. На гэты перыяд ёсць велікодная традыцыя - збірацца ўсёй сям'ёй, хадзіць у госці, абменьвацца падарункамі.
У кожным праваслаўным храме - а ў Беларусі іх больш як 1,8 тыс. - праходзяць службы. Адчынены царскія дзверы і званіца. Протаіерэй Павел Сярдзюк, настаяцель прыходу храма свяціцеля Мікалая Японскага ў г. Мінску:
Зараз адкрываецца перыяд, калі мы можам сустрэць Госпада ў любым чалавеку, які да нас прыйдзе. Таму не будзем саромецца велікоднага вітання, не будзем раней часу забывацца: "Ну, Вялікдзень жа быў, хутка прайшоў". Не. Вялікдзень - гэта з'ява, якая застаецца з намі назаўжды. І яна ключавая для нашага жыцця.
Свая трактоўка Светлага панядзелку і ў народзе - яго называюць палівальным. Лічыцца, што абліўшыся вадой, чалавек адгоніць ад сябе хваробы і ўмацуе дух.
