Навучальныя ўстановы Чэрвеня прэзентавалі свае адукацыйныя і выхаваўчыя праекты. Пляцоўкай для вялікага выніковага адкрытага ўроку стала СШ № 4. Удзельнікі і госці мерапрыемства азнаёміліся з поспехамі самой установы праз профільныя заняткі, тэматычныя выставы, прэзентацыю школьнага ваенна-патрыятычнага клуба.
Падчас адукацыйнага форуму педагогі-наватары раёна дзяліліся сваім майстэрствам і вопытам працы, уласнымі распрацоўкамі. А лепшых вучняў Чэрвеньскага раёна (пераможцаў алімпіяд і міжнародных конкурсаў) узнагародзілі па выніках года.
Падчас педагагічнай справаздачы падпісалі дамоўленасці аб супрацоўніцтве паміж аддзеламі адукацыі Чэрвеньскага і Мсціслаўскага райвыканкамаў. Ведамствам ёсць чым падзяліцца ў сферы навучання і выхавання школьнікаў.
