Аляксандра Сасновіч выйшла ў другі круг турніру ў Санкт-Пецярбургу

Беларуская тэнісістка Аляксандра Сасновіч, саступаючы падчас паядынку першага круга турніру ў Санкт-Пецярбургу, змагла пераламіць ход сустрэчы і дабіцца валявой перамогі. Наша спартсменка, якая ў рэйтынгу на 97-й пазіцыі, перамагла 99-ю ракетку свету румынку Ану Богдан - 2:6, 6:2, 6:1. Альбо расіянка Дар'я Касаткіна, альбо датчанка Клара Таўсан стануць саперніцай Сасновіч у другім крузе.