Сотні трупаў у прыграніччы: польская пракуратура пачала расследаванне ў дачыненні да пагранічнікаў і паліцыі
Польская пракуратура пачала расследаванне ў дачыненні да пагранічнікаў і паліцыі па факце злоўжывання паўнамоцтвамі ў дачыненні да мігрантаў на беларуска-польскай мяжы. Пра гэта піша Gazeta Wyborcza Białystok. Сілавікоў маюць намер прыцягнуць да суда за збіванне мігрантаў і за так званыя працэдуры push back - выштурхоўванне людзей назад на тэрыторыю Беларусі. Парушальнікам пагражае да трох гадоў пазбаўлення волі. Расследаванне ахоплівае перыяд з верасня 2021 года па сакавік 2024-га, гэта значыць з самага пачатку міграцыйнага крызісу.
