Улады Ізраіля разглядаюць магчымасць затаплення марской вадой сістэмы падземных тунэляў у сектары Газа, у якіх, як мяркуецца, хаваюцца байцы ХАМАС. Аб гэтым піша Wall Street Journal. Паводле інфармацыі выдання, ЦАХАЛ яшчэ ў сярэдзіне лістапада завяршыў устаноўку пяці помпавых станцый недалёка ад лагера бежанцаў Аш-Шаці. Яны здольныя затапіць тунэлі на працягу некалькіх тыдняў. Выданне адзначае - рэалізацыя такіх планаў можа прывесці да экалагічнай катастрофы і яшчэ больш пагоршыць сітуацыю з прэснай вадой у анклаве. Тэль-Авіў пакуль не прыняў канчатковага рашэння. Меркаванні ў Белым доме таксама падзяліліся.
Гуманітарная сітуацыя ў сектары Газа і без таго катастрафічная. Прадстаўнікі СААЗ паведамляюць, што за няпоўныя два месяцы ў палесцінскім анклаве здзейснена больш як 200 атак на медыцынскія аб'екты. Колькасць бальніц, якія функцыянуюць, скарацілася з 36 да 18. Шпіталі перапоўненыя, супрацоўнікаў не хапае, а тыя, што ёсць, выматаныя.
ЦАХАЛ між тым працягвае баявыя дзеянні ў рэгіёне. Тэлеканал "Аль-Джазіра" паведамляе аб штурме палесцінскага горада Джанін на Заходнім беразе ракі Іардан. Таксама армія абароны Ізраіля нанесла новыя ўдары па горадзе Джабалія на поўначы сектара Газа.
Пад абстрэл трапілі аб'екты "Хезбалы" ў Ліване. Раней рух паведаміў аб паражэнні 12 вайсковых пазіцый на поўначы Ізраіля.
