Раніцай 9 красавіка падчас аднаго з дарожна-транспартных здарэнняў на Мінскай кальцавой аўтадарозе сутыкнуліся адразу 4 аўто. Здарылася гэта ў раёне першага кіламетра ўнутранага кальца з-за невыканання бяспечнай дыстанцыі. У выніку ДТЗ ніхто не пацярпеў.
Высвятляюцца акалічнасці яшчэ адной ранішняй аварыі на МКАД. Падчас інцыдэнту сутыкнуліся 3 легкавыя машыны. Згодна з папярэдняй інфармацыяй, вадзіцелі таксама не вытрымалі бяспечную дыстанцыю. На шчасце, ніхто не траўміраваны, толькі аўто атрымалі механічныя пашкоджанні.
І яшчэ адзін небяспечны манеўр на кальцавой магістралі. Вадзіцель BMW рухаўся з боку вуліцы Акадэміка Купрэвіча ў напрамку праспекта Незалежнасці. Пры перастраенні не справіўся з кіраваннем і сутыкнуўся з агароджай. У выніку аўтамабіль апынуўся за межамі праезнай часткі і перакуліўся. Пацярпелых няма.
