Старт 5-га сезона шоу "Я ведаю!" 15 студзеня на "Беларусь 1"

Старт навучальнага года ў галоўным тэлекласе краіны! Сямейная шоу-віктарына "Я ведаю!" вяртаецца ў праграму выхаднога дня. Першыя інтэлектуальныя гульні 5-га сезона ўжо сёння на "Беларусь 1". У барацьбу ўступаюць навучэнцы пятых класаў. Сумесны праект Белтэлерадыёкампаніі і Міністэрства адукацыі Беларусі сабраў лепшых "знаек" з усёй краіны, якія не толькі бліскалі ведамі, але і марылі бліскаць на экранах тэлевізараў. Для іх яшчэ больш займальныя задачкі не толькі па школьнай праграме, але і ў сферы навукі, культуры, мастацтва і спорту прапануе Георгій Калдун. А падзяляць хваляванне за вучняў разам з педагогамі ў настаўніцкай будзе наша калега Юлія Пярцова.