Заўтра магнітных бур на тэрыторыі нашай краіны не прагназуецца. Геамагнітны фон ад спакойнага да слабаўзбуранага.
23 красавіка ў народным календары прысвятак Юрай. Вядома на гэты дзень вось такая прыказка: Як настане юр'ева раса - не патрэбна коням аўса. Таксама прыкмячалі: маладыя павучкі з'явіліся - цёплыя дзянькі хутка прыйдуць. Калі старыя павукі ў гэты дзень сядзяць на павуцінні высока, то ноччу магчымы замаразкі.
Крыху цікавай інфармацыі з гісторыі метэаназіранняў. Самая нізкая начная тэмпература паветра была ў Горках у 1929 годзе - амаль 12 градусаў марозу, а дзённы тэмпературны максімум адзначаны ў Жлобіне ў 1950 - амаль 29 градусаў цяпла.