Нарадзілася ў чароўны перадкалядны час, калі ўсе чакаюць цуду і падарункаў пад ёлкай, - 28 снежня 1980 года.
Скончыла Мінскую дзяржаўную гімназію - каледж мастацтваў. Нягледзячы на захапленне маляваннем, з дзяцінства марыла пра кар'еру дыпламата, захаплялася замежнымі мовамі, але ў выніку стала культуролагам. Дыплом аб вышэйшай адукацыі атрымала ў Беларускім дзяржаўным універсітэце культуры і мастацтваў.
З 2009 года ў Белтэлерадыёкампаніі прымала ўдзел у падрыхтоўцы і стварэнні ток-шоу “Страсці па культуры”. З моманту заснавання тэлеканала “Беларусь 3” з'яўляецца суаўтарам і вядучай штодзённай праграмы навін культуры "Калейдаскоп". Кожны свой выпуск стараецца напоўніць унутранай любоўю, святлом і глыбінёй. Лічыць, што галоўнае не проста данесці інфармацыю, а зацікавіць гледача і выклікаць жаданне зноў глядзець на экран.